Zëdhënësja e OSBE/ODIHR, Katya Andrusz, ka konfirmuar se Këshilli i Europës nuk do të vëzhgojë procesin e votimit të 30 qershorit në Shqipëri.
“Mund të konfirmoj se jemi informuar nga KiE se ata nuk do të vëzhgojnë zgjedhjet e ardhshme në Shqipëri. Për më shumë detaje ju duhet të kontaktoni me ta direkt’, shkruan Zëdhënësja e OSBE/ODIHR.
Më herët u publikuar një njoftim, sipas të cilit Këshilli i Europës, anulonte ardhjen e delegacionit të vëzhguesve të saj për vëzhgimin e zgjedhjeve në Shqipëri, duke nxjerrë si pretekst rrezikun që mund t’i kanosej vëzhguesve në disa zona.
Kjo është hera e parë që KiE nuk sjell vëzhgues në zgjedhjet që organizohen në Shqipëri, përfshi këtu edhe vitin 1997.
