Një këngëtar i ri nga Saranda i cili jeton në Greqi ka zënë jo pak hapësirë në mediat vendase teksa deklaroi se nuk ishte shqiptar por grek nga Vorio Epiri.
I riu ka lindur në Sarandë dhe në moshën 3 vjeçare ka shkuar në Korfuz të Greqisë ku edhe ka jetuar në vijim. Këngëtari i quajtur Konstantinos Koufos, ka deklaruar se nuk ishte shqiptar dhe se kishte një dallim të madh midis Shqipërisë dhe Vorio Epirit. I riu u ngjit në tapetin e kuq të MAD VMA 2016 ku u pyet nga gazetarët për origjinën e tij.
“Unë kurrë nuk kam thënë se jam nga Shqipëria. Unë them se jam 100% grek nga Vorio Epiri. Unë nuk e di nëse ju e kuptoni dallimin midis Vorio Epirit dhe Shqipërisë. Unë nuk kam asnjë problem me atë vend, i vlerësoj ata dhe ata më përkrahin, por unë nuk mund të ndryshoj gjakun tim dhe rrënjët e mia. Janë nga Vorio Epiri, 100% greke “, ka thënë këngëtari.
I riu ka edhe një emër artistik, ndërsa mbiemri i tij i vërtetë mendohet se është Kufo nga Saranda.
