Kryeministri Edi Rama duket i vendosur për të shkuar drejt 30 qershorit dhe për të realizuar votimet në këtë datë, pavarësisht se Presidenti Ilir Meta ka anulluar zhvillimin e zgjedhjeve përmes një dekreti të veçantë.
Gjithsesi dekreti i Metës është shpërfillur nga Rilindja, ndërsa Rama do të tentojë të zhvillojë votimet në një situatë krize politike.
Ish-ministri i Drejtësisë, Ylli Manjani, përmes një postimi në rrjet shkruan se marrja e pushtetit pa zgjedhje quhet grusht shteti.
“E pabesueshme, me çfarë zelli përsëriten poshtërsitë në këtë vend!
Kjo që po përsërit Rilindja është në fakt më e rëndë, sepse do të bëjë zgjedhje pa patur zgjedhje…
Marrja e pushtetit pa zgjedhje quhet grusht shteti!”, shkruan Manjani në postimin e tij.
