Temperaturat e larta që kanë kaluar 35 gradë Celsius këtë fundjavë kanë sjellë një fluks të madh pushuesish në plazhin e Borshit.
Vetëm gjatë kësaj të diele, qindra qytetarë dhe turistë vendas e të huaj kanë zgjedhur bregdetin e jugut për të kaluar ditën pranë detit.
Sipas A2 CNN, plazhi i Borshit ka qenë i tejmbushur me pushues, të cilët kanë shijuar ujërat e kristalta dhe hapësirat e gjera për të pushuar. I njohur si një nga plazhet më të preferuara familjare në jug të vendit, Borshi vijon të tërheqë çdo ditë qindra vizitorë.
Ky fillim sezoni turistik e ka gjetur Borshin të gjallëruar dhe me një numër të konsiderueshëm pushuesish, duke konfirmuar edhe një herë interesin në rritje për destinacionet bregdetare të jugut shqiptar.
