Ditën e sotme do të luhet sërish një ndeshje e rëndësishme ajo mes Uellsit dhe Belgjikës të cilat do të ‘luftojnë’ për të prerë një biletë për në gjysmëfinale të Kampionatit Europian.
Belgjika vjen si favorite ndaj Uellsit modest të cilët mbajnë shpresat vetëm tek ndonjë mrekulli e Gareth Bale. Nuk do të jetë një ndeshje e lehtë për Belgjikën ndërsa dhimbjet e kokës kanë nisur për trajnerin Marc Wilmots i cili duhet të bëjë pa tre lojtarë kryesorë.
Dembele dhe Vertonghen vuajnë nga dëmtimet dhe janë konfirmuar që nuk do të jenë të gatshëm ndërsa Vermaelen nuk do jetë prezent për shkak të pezullimit të kartonëve. Fituesi i këtij çifti çerekfinalist do të përballet me Portugalinë e cila pret e qetë gjysmëfinalen e ‘Francë 2016’.
