Lionel Messi shënoi gol nga penalltia, në pjesën e dytë, për të evituar humbjen e dytë radhazi të të tijve në “Copa America”. Megjithatë, Argjentina nuk shkoi dot më larg se barazimi 1-1 me Paraguajin të mërkurën, duke e lënë për në sfidën e tretë të grupit kualifikimin për më tej. Ylli i Barcelonës ktheu në gol penalltinë e akorduar në minutën e 57-të, duke barazuar “rrjetën e “Richard Sanchez në “Belo Horizonte”.
Ky barazim regjistroi pikën e parë të Albiceleste në Grupin B, por ato mbeten prapa Kolumbisë, Paraguajit dhe Katarit në klasifikimin aktual. Argjentina luajti më mirë në fillim të ndeshjes, por pas 20 minutash, loja nuk pati ritëm, edhe për shkak të faulleve dhe ndalesave të shumta.
Lautaro Martinez goditi traversën për Argjentinën, gjashtë minuta pas fillimit të pjesës së dytë. Më tej, Argjentinës iu dha një penallti, pas rishikimit të momentit të diskutueshëm me VAR, teksa topi preku krahun e Ivan Piris. Messi ishte i saktë nga pika e bardhë.
Teks disa minuta më vonë Paraguai humbi penallti.
Çfarë do të thotë ky barazim? Të besuarit e Lionel Scalonit kishin nevojë për një fitore kundër Paraguajit, për t’u rikthyer në udhën e duhur, por tani do të mbështeten në rezultate të tjera. Argjentinasit duhet të mundin Katarin në ndeshjen e tyre përfundimtare të grupit, por kjo mund të mos jetë e mjaftueshme për t’u renditur në dy vendet e para, referuar përballjes tjetër të grupit.
