Nga Boldnews.al
Kryeministri jo vetëm nuk po jep shenja tërheqje nga histerizmi për të mbajtur pushtetin me çdo kusht e çmim, sado të rëndë, por kërcënon se duke nisur nga nesër do të kalojë në Parlamentin e tij të mbushuar me kllunë, një ligj që kushdo që kryen “krim elektoral” ndalohet që të shkojë jashtë vendit për 5-10 vite.
“Nuk do lejohet të dalin nga vendi 5-10 vite kush kryen krim elektoral. Kjo masë do të kalojë nesër në Parlament. E gjithë kjo rrëmujë bëhet nga frika e reformës në drejtësi. Keqardhje për ata që i ndjekin se po përfundojnë burgjeve. Shkojnë në burg për Lulin dhe për fallxhoren. Nxisin njerëzit të bëjnë rrëmuja, vetë flenë në shtëpitë e tyre”, u shpreh Rama.
Kryeministri po shkel vetë ligjin më këtë projektligj, pasi shkel lirotë dhe te drejtat themelore të njeriut që është “lëvizja e lirë”. Ata e justifikojnë se pas çdo vendimi gjykate që i dënon për krim elektoral, futet në aplikim edhe “ligji Rama” që ua ndalon udhëtimin jashtë vendit nga 5-10 vjet.
Po kush janë ata që po bëjnë “krime” elektorale? Qytetarë të thjesht, të varfër, të papunë, të pashpresë, që jeta ua sprovoi të përballen me arrogancën e shtetit? Si mund të kërcënohet një shtetas shqiptar që fëmijët i ka nisur ilegalisht në emigracion, të degdisur diku në azil dhe vetë vegjeton mes varfërisë. Ata që e kanë të vështirë të shkojnë për një hall në Tiranë, pasi nuk kanë para, nuk e kanë problem të qëndrojnë 5-10 vjet të izoluar, kur çështjen “jashtë shtetit” e kanë parë vetëm në televizor.
Shumë nga ata qytetarë të paqtë, punëtorë dhe të urtë, lenë jetën nëpër skutat e fshtrave të varfër apo të qytezave ku mizorja është bashkëjetesa e përditshme sepse nuk u ofrohet shqebimi i duhur shëndetësor, që lënë sëmundjen të agravojë pasi nuk kanë para të kurohen. Ushqehen keq e janë në depresion të fortë social të mbytur nga varfëria.
Një shqiptari që vuan këto pasoja nuk mund ti marrësh lirinë që kurrë nuk e pati për shkak të varfërsisë dhe korrupsionit të madh qeveritar. Është kaq absurde gjithçka kur kryeministri kërcënon “kriminelët elektoral”. A ka krim të më madh se të blesh votat, për të fituar pushtetin, të dalin ministra e deputetë me thasë parash të marra nga xhepat e çdo shqiptari. Po Gjushi, Damiani, Pjerini, Ulsiu e shumë deputetë të tjerë që udhëzojnë blerje votash a kanë kryer krim elektoral?
Ata për kryeministrin nuk janë kriminelë të rëndomtë zgjedhor që djegin materialet zgjedhore, por pelivanë të mëdhenj që të ofrojnë pushtetin në tavolinë, kur një votë qytetarit ia blejnë sa pesë palë brekë, aty diku tek 30 mijë lekë të vjetra.
Diktatura nuk vjen me kambana alarmi e daulle lajmëruese. Nis me reprezalje policore, me kërcënime për burg, ashpërsim të ligjeve kush proteston, arrestime masive dhe mungesë të pluralizmit politik. Sot janë që të gjitha kata faktorë. Sot bota ja ka vënë vizën Ramës. Në Berlin ka katër vite që nuk shkel në një vizitë zyrtare si përfaqësues i vetëm i qeverisë shqiptare. Në Parisin zyrtar nuk shkel as me atletet e tij të bardha. Bota Perëndimore po e izolon kryeministrin ndoshta jo për 5-10 vjet, por gjithë jetën. Në Perëndim nuk ka vend për diktatorë!
