Situata e tensionuar është përhapur në të gjithë vendin. Edhe në Pogradec dhe Bilisht kërkohet lirimi i KZAZ-ve pas pas vendimit të presidentit Meta për anulimin e zgjedhjeve vendore të 30 qershorit.
Në Pogradec ka pasur përplasje mes mbështetësve të Partisë Demokratike, që janë vendosur përballë KZAZ, nr 67 duke kërkuar me ngulm heqjen e materialeve zgjedhore.
Pogradec përplasje midis militanteve të PD dhe drejtuesve të policisë.
“Kërkojmë të largohen materialet nga KZAZ, është shkelje ligji . Nuk ka zgjedhje deri në vendosjen e një date tjetër për zgjedhjet. Nuk është legjitime”, tha ish-deputeti, Klevis Balliu.
Në zonën e Bilishtit forca te shumta të policisë dhe forcat speciale kanë rrethuar, KZAZ 70, e cila është e hapur dhe vijon punën.
