Një fëmijë 6-vjeçar ka është plagosur, pas një sherri mes babait të tij dhe një personi tjetër. Sipas policisë autori i plagosjes së fëmijës është Jetmir Koxherri 27-vjeç.
Ngjarja ka ndodhur pas një konflikti mes Koxherrit dhe babait të 6-vjeçarit, 27-vjeçari ka marrë armën e zjarrit tip automatik dhe ka shkuar ta qëllojë në banesën e tij, ku ndodhej edhe fëmija, i cili është plagosur rëndë.
Njoftimi i Policisë
Reagimi në kohë i Policisë vë në pranga autorin e dyshuar që qëlloi me armë zjarri në drejtim të një banese e për pasojë mbeti i plagosur një fëmijë.
Sekuestrohet arma e krimit automatik tip “kallashnikov”.
Me datë 19.06.2019, rreth orës 01:15, është marrë informacion, se pas një konflikti për motive të dobëta në një lokal, mes shtetasve J. K., H. Rr. dhe Sh. P, shtetasi J. K, është larguar nga lokali dhe dyshohet se ka marrë një armë zjarri dhe ka qëlluar në drejtim të banesës të shtetasit H. Rr, ku për pasojë ka mbetur i plagosur një fëmijë i mitur, i cili po merr ndihmë mjekësore në spitalin e Traumës në Tiranë.
Policia ka shkuar menjëherë në vendin e ngjarjes dhe falë veprimeve të shpejta hetimore të kryera nga Specialistët e Sektorit për Hetimin e Krimit në DVP Dibër, në bashkëpunim me Komisariatin e Bulqizës, në orët e mëngjesit, është bërë kapja e autorit të ngjarjes shtetasit J. K., 27 vjeç, banues në Krastë, si dhe sekuestrimi i armës së krimit.
Grupi hetimor vijon hetimet në vendngjarje.
