Ministri i Brendshëm, Sandër Lleshaj, ka habitur sot me një deklaratë të bërë nga Vlora lidhur me një takim që ka pasur me truprojën e kreut të PD-së, Lulzim Basha.
Lleshaj ka konfirmuar takimin, ndërsa është shprehur se është detyra e tij, të takohet me truprojat.
Por Lleshaj ka mohuar që të ketë pasur informacione lidhur me kërcënimet nga Lulzim Bashës, ashtu sikundër është deklaruar nga PD. Kjo e fundit një ditë më parë është shprehur se Lleshaj i ka thënë truprojës së Bashës për rrezikun që i kanosej liderit të opozitës.
“Takime me truproja të gardës kam pasur. Takoj truprojat se kjo është puna ime e përditshme”, ka deklaruar Lleshaj.
Kjo është hera e parë që një ministër i Brendshëm deklaron publikisht se detyrë e tij e përditshme është të takojë truprojat.
Ndoshta Lleshaj mendon ende me mendësinë e ushtrisë, nga rradhët e të cilës iu fut politikës, duke e trajtuar veten si komandant dhe truprojat si ushtarë.
