Dita e hënë shënoi një tjetër takim të rëndësishëm mes krerëve dhe ministrave të Bashkimit Europian e cila pasoi edhe me Samitin e Luksenburgut nga ku do të diskutohet lidhur me vendimin për hapjen e negociatave për dy shtetet e Ballkanit, Shqipërinë dhe Maqedoninë.
Por, ndryshe ajo euforia dhe ajo çfarë presin socialistët dhe qeveria shqiptarë, përgjigjia që do të merret sonte në mbrëmje me gjasa nuk do të jete pozitive. Shumë prej shteteve anëtare të BE janë shprehur kundra ndërsa edhe vetë Gjermania duket se është kundra një negociate.
Lidhur me këtë, ministri gjerman Micehal Roth deklaroi se në fakt të dyja shtetet një vit më parë morën deytrat e shtëpisë, të cilat i kanë realizuar. Megjithatë, kryeson Maqedonia e Veriut e cila ka bërë një kthesë të rëndësishme.
“Natyrisht Bashkimi Evropian ka një përgjegjësi shumë të veçantë për sigurinë, stabilitetin dhe paqen në të gjithë bllokun. Prandaj, strategjia e zgjerimit e Bashkimit Evropian mbetet e një rëndësie të veçantë. Ne do të flasim sot për raportet e Komisionit Evropian që luajnë një rol shumë të veçantë për zhvillimet pozitive në Maqedoninë e Veriut dhe Shqipëri. një vit më parë këtu në Luksemburg u dhamë detyrat e shtëpisë të të dy vendeve, sipas mendimit tim që këto detyra janë përmbushur. Sidomos Maqedonia e Veriut ka bërë histori me Marrëveshjen e Prespës, e cila eshte shembull guximi dhe gadishmërie për pajtim pas gati 30 vjet konflikt,” tha Roth.
