Kreu i grupit parlamentar të PS-së, Taulant Balla konfirmoi se është dërguar në Kuvend kërkesa për shkarkimin e Ilir Metës nga posti i Presidentit.
“Në mbështetjen e firmave të 55 deputetëve të Kuvendit sapo kemi depozitur kërkesën për shkarkimin e presidentit Ilir Meta”, tha Balla në një konferencë për mediat nga Kuvendi, mëngjesin e kësaj të hëne. Më tej, arsyetoi pse sipas tij, vendimi i Metës për shtyrjen e zgjedhjeve është antikushtetues. Balla deklaroi se vendi do të shkojë në zgjedhje, më 30-qershor.
Shkarkimi i Peridentit është një procedurë komplekse që kalon në disa etapa dhe në fund vendimin final e merr Gjykata Kushtetuese, aktualisht jo funksionale. Lëvizja e PS-së vjen në një kohë, kur nga Presidenca janë dhënë sinjale për shpërndarjen e parlamentit.
Firmat – I pari nga 55 deputetët që kanë firmosur shkarkimin e Metës është Taulant Balla. Lista mbyllet me Ditmir Bushatin. Deputetë dhe ish-ministra e ministra të PS-së janë në listën e firmëtarëve. Mes tyre edhe Elisa Siropali (Mamica sipas Ramës) dhe Ilir Ndraxhi, vëllai i të cilit komunikon me Astrit Avdyljat në përgjimet e dosjes 339 të publikuara nga BIRN. Ndraxhi është cilësuar nga opozita “deputeti i Avdylajve”. /BN/
(Deputetët që kanë firmosur në dokumentat e publikuara më poshtë: Erion Brace, Eglantina Gjermeni, Blendi Klosi, Florenc Spaho, Bledar Cuci, Niko Peleshi, Xhemal Qefalia, Ditmir Bushati, Taulant Balla, Ladi Vorpsi, Arben Pellumbi, Ilri Ndraxhi, Xhevit Bushaj, Antoneta Dhima, Eduard Shalsi, Arben Ahmetaj, Edmond Leka, Andrea Marko, Elisa Spiropali, Bashkim Fino, Eljo Hyskaj, Dritan Beci, Edlira Bode, Klodian Spahiu, Ilir Beqaj, Sedri Abazi, Klodiana Spahiu, Bujar Cela, Almira Xhembulla, Mimi Kodheli, Anduel Xhindi, Arben Pellmbi, Ardit Konomi, Xhevit Bushaj, Musa Ulqini, Ilirian Pendavinji, Adnor Shameti, Milva Ikonomi, Rrahman Raja, Antoneta Dhima, Fatjon Sina, Alket Hyseni, Senida Mesi, Spartak Braho, Fadil Nasufi, Lindita Nikolla, Ismet Beqiraj, Ardiana Jaku, Vullnet Sinaj, Etilda Gjonaj, Adelina Rista, Luan Harusha, Evis Kushi, Ervin Bushati.)
