Kandidati i nominuar republikan për president të Shteteve të Bashkuara të Amerikës, Donald Trump, i ka përsëritur thirrjet për t’i kthyer torturat me ujë ndaj militantëve të grupit Shteti Islamik (ISIS).
“Duhet ta luftosh zjarrin me zjarr”, u ka thënë Trump mbështetësve të tij në Ohajo.
“Ne duhet të luftojmë në mënyrë të egër dhe shumë të dhunshme pasi që kemi të bëjmë me njerëz të dhunshëm”, është shprehur Trump.
Deklaratat e tij kanë ardhur disa orë pas sulmeve vetëvrasëse në aeroportin ‘Atataturk’ të Stambollit, në natën e së martës.
Mënyra e torturës e propozuar nga miliarderi nga Nju-Jorku ishte ndaluar në SHBA në vitin 2006.
Autoritetet turke besojnë që ISIS qëndron prapa sulmeve që lanë të vdekur 41 persona në Stamboll.
