Kryetari i opozitës Lulzim Basha pritet të zhvillojë një takim me aleatët mesditën e sotme. Në takim pritet të diskutohet për aksionin opozitar dhe të bihet dakord për një datë për zhvillimin e protestës së radhës.
Ndërkohë, pasdite, Basha pritet të mbledhë organet drejtuese në PD. Kryetari i PD pritet të mbledh kryesisë dhe ish-grupin parlamentar, për të diskutuar mbi protestën, por dhe për tensionin politik në rritje pas arrestimit të disa funksionareve të PD-së pas protestave në Librazhd. Konkretisht, sot, në orën 18.00, zhvillohet mbledhje e jashtëzakonshme e kryesisë së PD, Grupit Parlamentar, Kolegjit të Kryetareve dhe Kryetareve të Bashkisë, me rend dite: Caktimi i detajeve të vijimit të aksionit politik, si dhe reagimi i PD pas arrestimeve politike të drejtuesve të PD në qarkun Elbasan. Në fund, pritet të njoftohet edhe data e re e protestës së radhës kombëtare të opozitës.
Nga opozita bëhet me dije se do të vijojë protestat për largimin e kryeministrit Edi Rama.
Në një konferencë për mediat një ditë më parë, Basha tha se kriza në vend zgjidhet vetëm me reagimin e qytetarëve.
/BN/
