Kreu i Partisë Demokratike ka reaguar menjëherë lidhur me arrestimet e disa prej zyrtarëve dhe mbështetësve të kësaj partie në Librazhd dhe Elbasan, pasi kanë marrë pjesë në tubimin kundër kryeministrit dhe qeverisë së tij.
Në vazhdën e arrestimeve dhe ndalimeve të çdo protestuesi dhe qytetari që i del kundra, Basha ka denoncuar fortë dhunën dhe presionin që po ushtrohet kundër qytetarit duke i bërë thirrje atyre të mos tërhiqen deri në arritjen e objektivave të tyre demokratike.
Fjala e Bashës
Dje gjatë mbrëmjes policia politike e Edi Ramës ka ndaluar 10 anëtarë të PD në Elbasan dhe Librazhd dhe ka arrestuar 2 drejtuesit e PD në Prrenjas si dhe ish-deputetin dhe kryetarin e PD të Elbasanit, zotin Bylykbashi.
Këto veprime janë raprezale të hapura politike ndaj kundërshtarëve politikë dhe qytetarëve që protestojnë kundër regjimit të Edi Ramës. Ndërkohë, mbi 50 mbështetës dhe antarë të PD mbahen nën arrest në burgje. Qindra qytetarë të tjerë që kanë protesuar kundër qeverisë dhe aferave korruptive janë ndaluar, keqtrajtuar rrahur dhe arrestuar në mënyrë të paligjshme. Ky është bilanc regjimesh totalitare dhe jo një vendi demokratik dhe europian. Ndëkrohë, sistemi i drejtësisë dhe parlamenti është shpartalluar ndërsa administrata publike është militarizuar. Nuk ka më asnjë iluzion; Rama ka vendosur një pushtet jashtë Kushtetutës dhe të paligjshëm.
Rapralet e fundit politike të Ramës kanë një qëllim të qartë politik, të intimidojnë opozitën dhe qytetarët për tu tërhequr nga kauza jonë. Është plani diabolik nga frika e humbjes së pushtetit. Në këtë aventurë të rrezikshme ai ndihmohet nga dy veglat e tij Ministrin e Brendshëm, Sandër Lleshajn dhe Kryeprokuroren, Arta Markun që kanë kthyer policinë dhe prokurorinë në shërbim të pushtetit personal të Ramës.
Këto akte repressive për të mbyllur gojën kundërshtarit politik po thellojnë me shpetësi gropën ku ka rënë Edi Rama, dhe e bëjnë të pashmangshëm fundin e tij të keq, që nga kriminelët e deri tek policiët dhe prokurorët e kriminalizuar. Asgjë dhe askush nuk e ndal betejën tonë për Shqiëprinë si gjithë Europa.
