Deputeti në radhët e Bindjes Demokratike të Astrit Patozit, Andi Përmeti deklaroi se presidenti po shkel ligjin. Ai hodhi akuza mbi të dhe krerët e PS dhe PD se shumë shpejt do bëhen bashkë kundër reformës në drejtësi.
“Me dashurinë që thua se po vepron për shqiptarët duhet të shkoje në shtëpi dhe t’i thoje bashkëshortes që mos ta çojë vendin në konflikt civil. ne shqiptarët e kemi kujtesën e shkurtër. Rama thoshte se Meta është hajdut dhe Meta e quante fundërrimë. Para dy vitesh u bënë bashkë. Ndërsa me Bashën hidhnin akuza se kanë mashtruar shqiptarët dhe pas dy muajsh lidhën koalicion. mos u çudisni kur të bëhen të tre bashkë kundër SPAK-ut dhe reformës në drejtësi“, tha Përmeti.
