Ka nisur në Presidencë takimi mes Kreut të Shtetit dhe drejtuesve të partive të përfshira te Grupimi i Qendrës së Djathtë.
Takimi vjen dy ditë pasi Presidenti Ilir Meta zyrtarizoi anullimin e zgjedhjeve lokale më 30 qershor.
Drejtuesit e 5 partive që janë aleate të Lulzim Bashës i kishin kërkuar më parë Presidentit që të anullonte zgjedhjet, ndërsa sot Meta ka nisur konsultimet me partitë për një tjetër datë zgjedhjesh.
Nuk dihet nëse drejtuesit e partive aleate të Bashës do të propozojnë ndonjë datë, apo do t’i bëjnë të qartë Kreut të Shtetit kushtin për largimin e Edi Ramës nga posti i kryeministrit.