Policia greke ka arrestuar në flagrancë 5 shtetas shqiptarë dhe një grek të akuzuar për mbjellje, prodhim dhe tregtim kanabisi.
Gjatë një operacioni të kryer me helikopter policia zbuloi një parcelë me 12.800 bimë hashash në zonën Dervenohoria, Viotia.
Fidanët ishin mbjellë në tre zona të largëta, ku policia ka mundur ti zbulojë vetëm me ndërhyrje nga ajri me anë të helikopterëve.
Shqiptarët dhe greku kishin një stil të veçantë të kultivimit të quajtur ‘toll’.
Gjatë aksionit, policia ka sekuestruar edhe disa armë zjarri. Hetimet për këtë rast vazhdojnë, ndërsa priten edhe arrestime të personave të tjerë të përfshirë në këtë aktivitet.
