Nga Arlind Hoxha
I dashur pushtetar që u vrave dje !
Po ta shkruaj këtë letër pak ore pas ngjarjes tragjike me shpresën që ti do heqësh dorë nga egoja për pushtet për të ruajtur një pjesë të vetes.
Frika e zemërimit popullor dje vuri në lëvizje të gjithë kupolën e pushtetit që nisi që para protestës me një fushatë disinformimi për te përhapur frikë dhe terror.
U planifikua gjithçka në detajet e perfeksionit do këtë viktima , rrëmuje , gjak , kaos madje u bënë gati edhe letra vajtimore për viktimat me lot krokodili brenda.
Tirana dhe çdo cep i Shqipërisë gumëzhinte dhe sytë dhe veshët i kishte aty çfarë do të ndodh ” kush do jetë viktima e radhës ” në luftën për pushtet dhe si opozita do përdorë gjakun e popullit sic bëri opozita e djeshme për të ardhur në pushtet.
Më vjen keq për ty miku im.
Egoja për pushtet po të shkatërron çdo ditë dhe nga mik po kthehesh në armik te popullit tënd , nga njeri i dashur po kthehesh në makth dhe propaganda si sëmundje që e injektove për shpëlarje truri për popullin po kthehet në bumerang e po të verbon e po te mbyt ty pak nga pak sepse populli tashmë nuk të beson populli e ti tashmë ti për të je i ” vdekur politikisht”.
Egoja për pushtet po të kthen në mostër dhe po e kthen betejën kundër popullit në betejë jetë a vdekje por harron se populli është ai që ka te drejtë , ai që ta jep dhe ta merr fuqinë e në fund gjithmonë fiton.
Me vjen keq për ty miku im.
E di që në fund të ditës mendon se uniforma e atyre njerëzve që mbrojnë institucionet do të mbrojë dhe ty por këtu gabohesh sepse ata janë popull dhe zemërimin tyre është po i njëjtë sa i atyre që janë përballë mendojnë dhe ata si popull por respekti për uniformen dhe buka e fëmijëve i detyron të qëndrojnë aty
Miku im në fund s’do të mbrojë as populli as posti as ata që kishe në krah gjatë këtij udhëtimi sepse çdokush do mendoje si të mbroj veten dhe do mbetesh krejtësisht i vetëm në një labirint të errët i rrethuar nga gabimet e tua të shumta dhe nga frika e ndëshkimit duke urryer egon tënde për pushtet.
Dje nuk kishte gjak por kishte “viktima” nuk kishte vrasje por kishte “kurban” dhe i vetmi kurban dhe viktimë politike që humbi dje ishte Edi Rama.
Unë e di që ndoshta ata që të duan dhe ata që shkruajtën letra dje për viktima do tërbohen dhe s’do duan ti lexojnë letrat e sotme pasi dështuan në përcaktimin e viktimave sepse viktima nuk ishte populli por kjo s’më intereson thjesht duhet ta kuptosh se pushteti nuk është gjthçka dhe nuk është forcë e përhershme dëgjo zërin e popullit tënd dhe largohu.
Nuk ke parë gjë akoma.
Ky popull meriton dikë më të mirë se ti.
