Një 17-vjeçare nga Marinza është larguar prej 1 muaji nga shtëpia e saj, ndërsa sot familja ka bërë denoncim në polici.
Sipas të dhënave zyrtare, 17-vjeçarja L.Rredhi është larguar nga banesa 1 muaj më parë por deri para 5 ditëve ka komunikuar me familjen dhe iu ka thënë se ndodhej në Kosovë.
Që prej 5 ditësh komunikimi është ndërprerë dhe babai i saj Gramoz Rredhi ka denoncuar sot në policinë e Fierit. Ai ka thënë se vajza iu ka treguar familjarëve se ndodhej në Kosovë.
Edhe xhaxhai i vajzës ka thënë se ajo i ka telefonuar tre herë. Herën e parë i ka thënë që ishte me një vlonjat në Kosovë, pastaj i ka thënë se ishte me një kosovar që e kishte njohur në facebook.
Policia ka nisur hetimet për zbardhjen e kësaj ngjarjeje.
