Tensionohet situate para godinës së Parlamentit. Gurës, shashka dhe fishekzjarrë janë hedhur në drejtim të oborrit të Kuvendit, ndërsa policia disa herë ka bërë thirrje me megafon.
Raportohet se një prej operatorëve ka mbetur i dëmtuar, ndërsa është kërkuar ndihma e autoambulancës.
Nuk dihet se me çfarë është dëmtuar përfaqësuesi i medias, por raportohet se ai është dëmtuar në këmbë.
Operatorit të një prej televizioneve i kanë ardhur në ndihmë protestues, të cilët e kanë larguar.
Ndërkohë, policët kanë vendosur kundragazet, çka do të thotë se policia do të ndërhyjë me gaz për të shpërndarë protestuesit.
Policia fillimisht ka hedhur ujë me presion ndaj protestuesve, me qëllim shpërndarjen e tyre.
