Ministri i Jashtëm në detyrë, Gent Cakaj, është bërë qesharak mbrëmjen e sotme, teksa ka justifikuar qëndrimin e Gjermanisë ndaj Shqipërisë për hapjen e negociatave si një përçarje mes CDU/CSU.
Nga Gjermania deklarata e CDU/CSU ishte se “Shqipëria nuk ka plotësuar asnjë kusht, siç u kërkua nga ministrat e Jashtëm të BE më 28 qershor të vitit 2018”.
I ftuar në emisionin “Java”, Cakaj tha se ka “grupe të caktuara” që kanë të drejtë të kenë kritika për qeverinë.
“Përkundër mënyrës se si ka shkuar vendimi në fund, 25 vende në vitin e kaluar kanë qenë në favor të hapjes së negociatave me Shqipërinë, kjo tregon se është rritur besimi te reformat e Shqipërisë. E njëjta klimë është edhe sot. Ka kontradikta nga vendet anëtare. Grupacione të caktuara kanë të drejtë të kenë rezerva për Shqipërinë dhe kritika për qeverinë, por ne na takon që t’i përgjigjemi me fakte”, tha Cakaj.
