Kryetari i grupit parlamentar të Partisë Socialiste ka shprehur një qëndrim jolinear me atë të kryeministri Edi Rama për negociatat.
Gjatë një konferencë për mediat një ditë më parë, pas prezantimit të progres-raportit për Shqipërinë në KE, Rama u shpreh jo shumë entuziast për një “ok” të dytë. “Këshilli Europian është hapi i dytë. Dallimi është i qartë në hapin e parë, kriteret janë objektive. Në hapin e dytë gjykimi është politik dhe në këtë kohë të mbetur duhet bërë gjithçka që të influencojmë gjykimin politik”, u shpreh kreu i qeverisë.
Ndërkohë, Balla, ndryshe nga shefi i tij politik, shprehet i bindur se votimi në KE do jetë unanim në favor të hapjes së negociatave me Shqipërinë, edhe pse praktikisht kjo duket e vështirë kur të paktën tre vende janë shprehur kundër.
“Në 2019 Shqipëria do hapë negociatat me be”, tha Balla këtë të enjte, nga foltorja e Kuvendit. /bn/
