Gazetarja Sonila Meço ka ironizuar kryeministrin Edi Rama lidhur me letrat që i ka drejtuar kreut të opozitës, Lulzim Basha.
Gjatë emisionit “Tempora”, ku ajo është moderator, Meço u shpreh se tashmë Ramës i ka mbetur që letrën e rradhës t’ia çojë Bashës me kalë.
“Pas 6 letrave publike që i ka drejtuar kreut të PD-së, ramës i ka mbetur që letrën e 7 t’ia çojë me kalë”, u shpreh Meço, duke përdorur një batutë.
Brenda pak ditësh, Edi Rama i ka drejtuar Lulzim Bashës, 6 letra publike, duke i interpretuar ato si ftesa për dialog pa kushte. Gjithsesi Rama ka insistuar që zgjedhjet e 30 qershorit nuk mund të shtyhen, ai nuk ka ndërmend të japë dorëheqjen dhe zgjedhjet parlamentare do të mbahen në 2021.