Ish-deputetja Mesila Doda, aktualisht Sekretare e Përgjithshme e PDIU-së dhe avokat Spartak Ngjela, janë përplasur në studion e Open mbrëmjen e sotme lidhur me sitiatën politike në vend.
Debati mes Ngjelës dhe Dodës kaloi në fyerje ku për një moment drejtuesja e emisionit duke iu drejtuar avokatit kërkoi ruajtjen e etikës, aq më tepër kur përballë ka femra.
“Nuk u shkon atyre, menduan ta bënin me dhunë por e kishin gabim”, tha Ngjela, duke iu referuar protestave të opozitës.
Këtu ka ndërhyrë Doda, por që ka acaruar Ngjelën i cili në një tjetër reagim u shpreh “fute gjuhën brenda dhëmbit. Rri mirë aty, se s’jam Manja unë”.
