Kryeministri Edi Rama i është drejtuar brenda 24 orëve të fundit me dy letra publike kreut të PD-së, Lulzim Basha, të cilit i kërkon dialog pa kushte lidhur me zgjidhjen e krizës politike në vend.
Basha në anën tjetër ka deklaruar se nuk do të ketë pazar, ndërsa opozita ka vlerësuar si kusht të patjetërsueshëm largimin e Ramës nga post ii kryeministrit, si hapin e parë për çeljen e rrugës së dialogut mes qeverisë dhe opozitës.
Letrat e Ramës kanë shkaktuar një seri reagimesh, përfshi edhe batuta në rrjetet sociale.
Ndërkohë ish-deputeti socialist, Elmaz Sherifi, ka ironizuar duke shkruar në rrjet “monolog për dialog” ! Rama fton Bashën duke monologuar, për të mos dialoguar ! Ndërkombëtarët e morën vesh se Rama do dialog!”.
