Një aksident ka ndodhur në aksin Elbasan-Gjinar në kilometrin e saj të parë. Një çift të moshuarish, të cilët ishin duke udhëtuar me një karrocë kuajsh, kanë mbetur të plagosur.
Sipas informacioneve mësohet se Xhemal dhe Rabie Preçi nga lagjia Vreshtaj nga komuna Shushicë janë lënduar pasi karroca ka dalë nga rruga e dëmtuar duke përfunduar në një gropë në anën e poshtme të rrugës.
Ende nuk është e qartë sesi ka dalë karroca nga rruga, ndërsa dyshohet se kafsha është trembur pasi përballë ka parë një mjet që po lëvizte aty pranë.
