Elmaz Sherifi, ish-deputet dhe ish-ministër në qeveritë socialiste, përmes një komenti në rrjetet sociale e cilëson si traditë sulltanore atë që po ndodh në Shqipëri.
Madje, Sherifi shkruan “kot mundohemi për zgjedhje demokratike, tradita sulltanore ka rrënjë të thella në Shqipëri, këto i ruan etja e tejskajshme për pushtet, jo për qeverisje”.
Postimi i Elmaz Sherifit
“Tradite Sulltanore” !
Nuk shkeputemi ende nga tradita sulltanore.Statusi eshte bere tre vjet me pare. Cfare po ndryshon ?
Komisioni parlamentar i te ashtuquajtures “Reforme Zgjedhore”/ sepse te gjitha i nominojme reforma, pa qene aspak te tilla, ka filluar diskutimet per ndryshimet e nevojshme ne Kodin Zgjedhor…Po diskutohet qe numerimi i votave te behet elektronikisht, dhe keshtu duhet bere, por, asnje fjale nuk u degjua per komisionet zgjedhore me qellim qe ato te mos ndertohen me perfaqesues partiak.. Pa harruar se, “baterdine” ne zgjedhje e bejne blerja e votave, presionet, manipulimet, premtimet per vende pune etj..
Shpesh kam menduar se nga dreqin i mesuam keto metoda, kur ne diktature nuk kishte nevoje te manipuloje, se dihej qe te gjithe ne rresht duhet te votonin, “kandidatet e frontit”/partine…
Ne fakt ne kemi nje trashegimi te keqe, qe prej kohes kur ishim nen Perandorine Osmane.
Ne prill 1912,gjashte muaj para se te shpallej mevetesia, u bene zgjedhje te parakoheshme per parlamentin osman. Shqiptaret ishin te pa organizuar politikisht, dhe nuk kishin nje parti, dhe elita e kohes ishte e ndare e konkuronin njeri tjetrin. Disa u regjistruan si kandidate te Komitetit ” Bashkim e Perparim”/ xhonturqit, disa per opoziten liberale.
Xhonturqit e rriten presionin mbi popullsine shqiptare qe te zgjidheshin kandidatet e saj. Sipas Jani Vruho, nje personalitet i Levizjes Kombetare Shqiptare, ata perdoren te gjitha mjetet, “shkopin, thiken,koburen, dhe parane”. Dhe ai jep nje rast se si per te eleminuar Hasan Prishtinen premtuan 2000 lira, qe ishin shume e madhe ate kohe, ndersa ne Berat per te eleminuar Ismail Qemalin, qe konkuronin me Syrja Bej Vloren u perdoren aq shume intriga, sa “nuk rrefehen, e as nuk shkruhen me kalem”…
Madje ne Diber e Elbasan nuk permirsuan listat zgjedhore, por lane ato te vitit 1908 per grup fshatrash, dhe fshataret dergonin nje delegat qe votonte edhe per ta. Ne disa zona u perdoren edhe forcat e policise dhe xhandarmarise.
Pra ishin te gjitha ato forma qe perdoren edhe sot… Kot mundohemi per zgjedhje demokratike…Tradita sulltanore ka rrenje te thella ne Shqiperi.. Keto i ruan etja e tejskajshme per pushtet, jo per qeverisje…
