Ish-deputeti i PD, Bardh Spahia, ka replikuar me Ministrin e Shëndetësisë Ogerta Manasterliu, sa i përket checkup-it.
Në Ditën Botërore të Hipertensionit, Ministria e Shëndetësisë dhe Instituti i Shëndetit Publik organizuan Forumin Shkencor me temë: “Kontrolli Mjekësor Bazë, në kuadër të mbulimit shëndetësor universal”, ku u prezantuan gjetjet pas 4 vitesh zbatim të programit kombëtar “Si je?” për grupmoshën 35-70 vjeç.
Manasterliu tha se sa i përket akuzave që janë hedhur mbi këtë program, ministrja Manastirliu u shpreh se sot, pas 4 vitesh, përgjigjen më të mirë ndaj këyre akuzave e kanë dhënë mbi 1 milion qytetarë që e kanë kryer kontrollin mjekësor.
Pas kësaj deklarate të bërë nga Manasterkliu, ka ardhur dhe reagimi i Spahisë, i cili shkruan në facebook se “të mirat e checkup-it zonja Ministre i gëzoni vetem ju, Rama dhe oligarket tuaj që mbushni xhepat. Jo shqiptarët e varfëruar në ekstrem që u duhet ta paguajnë nga xhepi këtë koncesion korruptiv”.
Reagimi i plotë i Bardh Spahisë:
Sot, Ministrja e Shëndetësisë u mundua të shesë si arritje të madhe njërin nga koncesionet më abuzive në shëndetësi, atë të checkup-it( kontrolli mjekësor bazë). E quajti ” arritje” duke theksuar se ka një ulje te sëmundshmërisë kur në fakt e vërteta është krejt e kundërta. Sëmundshmëria kronike është shtuar e shoqëruar me rritje te vlerave të rimbursimit, kjo pavarsisht “uljes” së cmimeve të barnave të listës. Zonja Manasterliu foli per shtim të kontakteve midis qytetarëve dhe mjekëve si rrjedhojë e checkup-it. E vërteta që më dëshmojnë cdo ditë kolegët e mi të nderuar është krejt ndryshe. Checkup-i shihet si një detyrim absurd nga mjekët që përvecse nuk jep pothuaj asnjë rezultat, u shton pune administrative të panevojshme i penalizon me gjoba pa asnjë bazë ligjore te vendosura nga kontrollet e Fondit. Në 4 vjet në të cilat zbatohet kontrolli mjekësor bazë nuk është publikuar asnjë studim i mirëfilltë mbi sëmundshmëritë e zbuluara prej tij e as edhe një rregjistër i sëmundshmërisë kronike.Të mirat e checkup-it zonja Ministre i gëzoni vetem ju, Rama dhe oligarket tuaj që mbushni xhepat. Jo shqiptarët e varfëruar në ekstrem që u duhet ta paguajnë nga xhepi këtë koncesion korruptiv. Qeveria e Partisë Demokratike ka premtuar dhe do realizojë anullimin e checkup-it dhe koncesioneve të tjera në shëndetësi.
