Agron Malaj ka qenë pjesë e Gardës së Republikës dhe ka qenë pjesë e atij grupi, pork a qenë e provuar katërcipërisht që nuk ka marrë pjesë në asnjë moment dhe në asnjë shkelje të ligjit.
Kështu u shpreh kryeministri Edi Rama, duke iu përgjigjur pyetjes sepse e ka kandiduar si kryebashkiak.
“Është larguar si shumë të tjerë, por jo për të konfirmuar fajësinë e tij morale. Unë kam bërë investigimet e mia për këtë çështje dhe nuk më rezultoi se ka përgjegjësi”, tha Rama.
Sipas tij, Malaj ka qenë ndër ata njerëz që ka informuar imtësisht për 21 janarin.
“Mendoni ju se po të kishte përgjegjësi qoftë edhe morale për 21 janarin ne do e zgjidhnin në krye të degës së PS dhe tani si kandidat për kryebashkiak? Kurrë nuk do të ndodhte kjo”, tha Rama.
