Lajme të këqija nga moti! Meteriologia Adiola Bani ka treguar se e gjithë kjo javë do të jetë me reshje shiu, dhe me temperature nën mesataren e pranverës.
Bani u shpreh se në shumë qytete të vendit si Vlora, Korça apo Shkodra rrezikohet përmbytja, për shkak se sasia e reshjeve që do të bjenë është shumë e lartë.
“Mëngjesin e nesërm do të kemi një kthim të reshjeve, mund të kemi përmbytje lokale, pasi reshjet janë me rrezik të lartë. Qarqet që mund të kenë problem me përmbytjet janë jugu i vendit, dhe qytetet me rrezikun më të larta janë Vlora dhe Korça. Nuk pritet që të kemi pauza të gjata rreshjesh.
Përmirësimi do të fillojë nga dita e premte, ndërsa fundjava do të jetë me diell”, u shpreh Bani. Ndërkohë që moti nuk do të jetë aspak i favorshëm dhe në muajin qershor, ku reshjet do të jenë prezente në të gjithë vendin, duke e shtyrë mbërritjen e verës në muajin Korrik.
