Në deklaratën e tij menjëhrë pas përfundimit të prezantimit të kandidatëve për 61 bashkitë e vendit, kryeministri i vendit nuk ka nguruar të bëjë batuta me gazetarët që e prisnin jashtë.
Edhe pse jemi mësuar që të shikojmë shpesh debate dhe akuza nga Rama drejtuar gazetarëve dhe pronarëve të mediave, në takimin e tij të fundit duket se gjërat kanë filluar të ndryshojnë.
Teksa kryeministri priste një mori pyetjesh dhe ngacmimet nga gazetarët, vetëm një prej tyre i drejtoi një pyetje dhe kur ai priste të tjera, askush nuk reagoi.
“Kaq? Jeni bërë shumë të mirë. Do filloj edhe unë të bëhem i mirë me ju”, tha Rama duke lënë të kuptojë që me shumë gjasa të paktën deri në përfundim të zgjedhjeve, nuk do të ketë më armiqësi mes tij dhe ‘kazanit’ siç e quan ai median në vend.
