Kryeministri i Australisë Scott Morrison u qëllua me vezë gjatë një takimi me delegatë në Albury.
Autorja e sulmit është një 25-vjeçare, e cila në tentativë për të ikur, rrëzoi edhe një grua të moshuar. E reja u arrestua më pas nga policia. Sulmi ishte i befasishëm dhe nuk pritej prej askujt që ishte i pranishëm në sallë.
Kreu i qeverisë australiane Scott Morrison përmes një postimi në rrjetin social tha se sulmi ishte një “akt frikacakësh”.
