KQZ i jep mandatin e deputetit Koçi Tahirit, Kujtim Gjuzit dhe Indrit Hoxhës. Të tre ishin pjesë e listave të PD-së si kandidatë për deputetë, në zgjedhjet e fundit parlamentare dhe pritet të betohen si ligjvënës së Kuvendit të Shqipërisë në seancën e ardhshme plenare. Me tre prurjet e reja, numri i deputetëne në parlament shkon në 113.
Koçi Tahiri, 70-vjeçari që drejton partinë Demokracia e Re Europiane, u fut në aleancë me kuaalcionin qeveritar për zgjedhjet e ardhshme lokale. Tahiri, renditej i fundit në listën shumëemërorë të depozituar në 2017 në KQZ nga partia Demokratike, për Qarkun e Korçës.
Kryetari i Partisë Konservatore, Kujtim Gjuzi, si aleat i Lulzim Bashës në zgjedhjet e shkuara parlamentare hyri në listat e Partisë Demokratike në Durrës.
Indrit Hoxha ka mbajtur postin e Sekretarit të Burimeve Njerëzore në Forumin Rinor të PD-së. Ai ka qenë kandidat për deputet në Qarkun Tiranë në zgjedhjet e fundit parlamentare.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet parlamentare të 2017-ës.
Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /bn/
