Mbi 133 mijë nxënës dhe student kanë braktisur në këto 4 vjet shkollën, ndërkohë që janë regjistruar 44 mijë student më pak për të ndjekur vitin akademik.
Prej vitit 2013, ku buxheti për arsimin ishte 4.24 %, në 2019 ai ka rënë në 3.28 të PBB-së në 2019.
Përmes një postimi në rrjet, ish-deputetja Albana Vokshi, shkruan se me këto ritme rrezikojmë që vendi të shndërrohet në një azil për të moshuarit.
“Ne i qëndrojmë fuqimisht propozimit për dyfishimin e buxhetit të arsimit të lartë, për një shtesë prej 74 milionë usd në vit”, shkruan Vokshi, duke shpjeguar edhe shpërndarjen e saj.
Postimi i Albana Vokshit
- Arsimi i lartë ndodhet në krizën më të rëndë që ka parë në 29 vite. PD do ta anullojë menjëherë ligjin aktual.
- Prej vitit 2013, ku buxheti për arsimin ishte 4,24 %, ka rënë në vitin 2019 në 3,29 %, të PBB.
- 133 mijë nxënës dhe studentë kanë braktisur në këto 4 vite shkollën, pra 1 në 6 nxënës dhe 1 në 4 studentë.
- Në arsimin e lartë janë regjistruar 44 mijë më pak studentë për të ndjekur vitin akademik
- Kemi të bëjmë me një çeshtje, të jemi a mos të jemi?! Me këto ritme, vendi do të shëndërrohet në një azil për të moshuarit.
- Ne i qëndrojmë fuqimisht propozimit për dyfishimin e buxhetit të arsimit të lartë, për një shtesë prej 74 milionë usd në vit.
- 38 milion usd do të përdoren për të financuar plotësisht tarifat për studentë që vijnë nga familje me të ardhura mujore nën 640 mijë lek.
- Për studentët nga familjet me mbi 640 mijë lek të ardhura mujore, do të ketë subvencionim 50 % të tarifës Bachelor dhe Master.
- 5 milion usd do të dedikohen për bursë prej 2200 usd në vit për 5-6 mijë studentë që e kanë të pamundur ekonomikisht të mbijetojnë.
- 32 milion usd në vit janë planifikuar të investohen për 4 vjet në drejtim të investimit në infrastrukturën konviktore dhe akademike.
- Me PD në qeveri, a një të ardhme për arsimin e lartë shqiptar dhe studentët shqiptarë. Kjo do të jetë një e ardhme europiane
