Trajneri i Skënderbeut, Orges Shehi, mendon se ekipi i tij ka qenë i pafat pasi ka shpërdoruar shumë ndaj Tiranës. Në “SuperSport” ai deklaroi se skuadra nuk ishte shprehur ashtu siç duhet në fazën ofensive në këtë takim.
“Që të fitosh nuk është vetëm të dominosh. Nuk ishim agresiv para portës dhe shpërdoruam shumë por nuk kemi se çfarë bëjmë.
KAS? Nuk kam çfarë flas pasi jam për fushën, për atë flet klubi. Meqenëse kemi besim te vendimi që do të jepet, ne po luftojmë për në Kupat e Europës.
Nder Tiranës? Duhet të qajmë pikët që lamë vetë pa menduar kundërshtarin. Rrezikuam shumë por nuk shënuam dhe këtë duhet që ta qajmë ne.
Skënderbeu me dy sulmues? Në situata të veçanta ka funksionuar mirë dhe e kemi parë ndeshjen e parë. Të dy futbollistët dolën vetëm përballë portierit por në fund nuk po jepnin atë që donim dhe futëm Gripshin. Edhe kur hyri Greca, bëmë ndërrime pasi Toskiç dhe Taipi kanë qenë të dëmtuar. Për pjesën e parë jam i kënaqur për atë që dhamë në fushë.
Përgjigje negative nga KAS? Ne shpresojmë që përgjigja të jetë pozitive, por të gjithë kemi një kontratë që përfundon. Asnjëri nuk e ka marrë me tapi Skënderbeun dhe nuk është i përhershëm. Klubi e vendos nëse do të jemi apo jo. Edhe me një përgjigje negative ka një vendim dhe vendos klubi”, tha ai.
