Aktivisti i shoqërisë civile Endri Shabani tha se në zgjedhjet e fundit populli i ka dhënë PS-së 48 %, ndërkohë që për shkak të sistemit në Parlament përfaqësohem me 52 %.
“Në fakt të gjitha partitë në zgjedhjet e fundit kanë marrë 44 % të votave. Ndërkohë referuar pjesëmarrjes, PS ka marrë 48 % të votave, që përkojnë me 66-67 deputetë dhe jo 74. Kjo është ajo që sistemi favorizon fituesin, sepse këta e kanë kapur sistemin”, tha Shabani.
Në vijim ai pyeti ministrin Blendi Klosi, se për çfarë qëndron në detyrën e ministrit të Mjedisit kur këtu po vdesin mbi 1400 njerëz në vit për shkak të ndotjeve, që po betonizohen qytetet, që firmosin importin e plehrave apo që i jepen miliona eurove për djegien e plehrave, sikundër inceneratori në Fier.
“Jeni ndoshta i vetmi ministër Mjedisi në Botë që firmosni importin e plehrave”, tha Shabani.
Ndërkohë Klosi duke iu përgjigjur Shabanit, tha se Shqipëria është vendi i vetëm që ka energji bio, që nuk ka ndotje. Sipas tij, ai ka drejtuar fushatën e mbledhjes së firmave kundër importit të plehrave.
Por Shabani në ndërhyrjen e tij tha se “kjo tregon se kur Rama është kundër importit të plehrave, ju dilni mblidhni firma, dhe kur ai është pro importit, ju firmosni ligje”.
“Unë përpiqen çdo ditë, atë ditë që jam në zyrë, të bëj një gjë të mirë për vendin. P.sh plazhet publike do të jenë 80 % e plazheve private dhe kjo është një punë mjaft e mirë”, tha Klosi.
