Nga Boldnews.al
Fatet e lëvizjes së lirë të qytetarëve të Kosovës u varën nga “Shqipëria mëmë”, e cila është bërë shkaktare që BE të mos aprovojë liberalizimin e vizave. Patriotizmi “folklorik” i kryeministrit Edi Rama nuk vlen për asgjë, me politikat e ndjekura, përveçse ka shkëtërruar të ardhmen e vendit, u kthye në pengesë kryesore që Kosova të dalë nga izolimi dhe udhëtojë lirshëm në vendet e BE-së.
Sipas burimeve të DË, nga pjesëmarrës në takimin e samitit të Berlinit, presidenti Macron e kishte argumentuar mosmiratimin e heqjes së regjimit të vizave me përvojën e keqe të Francës pas liberalizimit të vizave me Shqipërinë dhe Gjeorgjinë, ku u shtua si numri i migrantëve të parregullt ashtu edhe i kriminalitetit nga këto vende.
Ai ka dhënë raporte të frikshme kur iu referua Shqipërisë, duke argumentuar se qindra mijëra qytetarë shqiptarë kanë shkelur rregullat e lëvizjes në zonën Shengen dhe shtim të numrit të kërkesave për azil.
Përveç emigrimit të paligjshëm, po duke iu referuar Shqipërisë, një tjetër fenomen negativ lidhet edhe me kriminalitetin në rritje. Një alarmë që para pak javësh e ngriti Holanda, parlamenti i së cilës votoi një rezolutë ku kërkonte vendosjen e regjimit të vizave me Shqipërinë, për shkak të kriminalitetit të shtuar, por edhe të emigrimit të paligjshëm.
Arsye të forta që Franca t’i kthehet edhe Kosovës, duke ia bërë të qartë se patën një “precedent të hidhur me Shqipërinë” dhe nuk mund të lejonin që kjo të shtrihej edhe në Kosovë.
Kryeministri Edi Rama shkoi në Berlin me një barrë që ai nuk është në gjendje ta kuptojë dhe peshojë. Pavarësisht tentativës për tu treguar “lider global”, Rama është (sihte).., kryeministri i një vendi me 2.9 milionë banorë, që në gjashtë vite qeverisje të tij, me politikat që ndoqi, detyroi të largojë nga vendi 450 mijë qytetarë shqiptarë.
Pjesa më e madhe emigruan në mënyrë ilegale kryesisht në Gjermani, Holandë, Francë dhe Belgjikë, pasi ishin të papunë, në varfëri të skajshme dhe mbi të gjitha në mungesë të shpresës.
Ka ikur pjesa më vitale e shoqërisë dhe sot mosha mesatare në Shqipëri është 47 vjeç, nga 26 vjeç që ishte në fillim të viteve 90’. Largimet masive, kriminaliteti në rritje për shkak të kanabizimit të vendit, lidhjet e politikës me botën e errët të trafikut, janë arsye mëse të mjaftueshme që Europa t’i heqë vizën Ramës…!
Fatkeqësisht këtë e kanë pësuar edhe qytetarët Kosovarë, të cilët kanë të drejtë që kur të shohin Ramën në Prishtinë, që hiqet si “Patriot folklorik” të përzënë, të revoltohen, pasi në mënyrë direkte, largoi shqiptarët, por izoloi edhe qytetarët e Kosovës.
