Arsen Stojku dhe Mislim Rama, dy të rinjtë që janë të dyshuarit si bashkëpunëtore përvrasjen e vëllezërve Astrit dhe Brahim Bilali, do të dalin ditën e sotme para gjykatës nënë masa të forta sigurie.
Dy të dyshuarit mbërritën në dyert e gjykatës së shkallës së parë në Shkodër, nën masa të forta sigurie. Arsen Stojku dhe Milsim Rama, 29 dhe 23 vjeç, të dy banues në fshatin Mjedë të Vaut të Dejës janë lënë në burg pa afat.
Dy të rinjtë kanë mohuar që të kenë lidhje me vrasësin e vëllezërve Astrit dhe Brahim Bilali. Por sipas të dhënave që vijnë nga Shkodra mësohet se bazuar te burimet e prokurorisë, ka përgjime ambientale që hedhin poshtë pretendimet e dy të rinjve, që vërteton se kishin dijeni për vrasjen. Ekzekutori kryesor që qëlloi ndaj tyre, është ende në kërkim, Ibrahim Lici, i cili dyshohet se nuk është larguar jashtë vendit, por ndodhet në Shkodër.
Ata janë nën akuzë si bashkëpunëtorë në vrasje. Astrit Bilali ishte babai i Astmer Bilali, i arrestuar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Brahim Bilali ishte drejtues i shoqatës “2 Prilli”. Ibrahim Lici është nipi i Fatbardh Licit i vrarë më 8 gusht 2018 dhe djali i Mustafë Licit, anëtar i këshillit bashkiak në Shkodër dhe drejtues i partisë Mendimi i Djathtë Liberal. Nga ana tjetër viktima Fatbardh Lici është kunati i Lulzim Kullës, biznesmenit të njohur ndaj të cilit u bë atentat më 13 janar të vitit të kaluar me lëndë shpërthyese ku mbeti i plagosur.
