Inspektoriati Kombëtar i Mbrojtjes së Territorit ka prishur me anë të tritolit një pallat që konsiderohej i rrezikshëm për banorët e Çorovodës për shkak të amortizimit të tij.
Për shkak të shpërthimit të ndërtesës pesë katëshe, për pasojë janë dëmtuar dhe disa shtëpi përreth.
Qytetarët tregojnë se janë thyer xhamat e ballkoneve dhe dritareve, gjithashtu janë dëmtuar dyert e shtëpive.
Autoritetet përkatëse ende nuk kanë shkuar për të bërë vlerësimet e dëmeve të këtyre shtëpive si dhe për t’i dëmshpërblyer banorët në aspektin financiar.
“Na janë dëmtuar xhamat e ballkonit dhe dyert. Na kanë thënë që do të vijmë t’i shikojmë, t’i rregullojmë por që s’kanë ardhur akoma.” u shpreh një qytetare.
“Dera e ballkonit më është bërë copa, nëse duan të investojnë të investojnë, nuk e di nëse kanë mundësinë. Ata nuk kanë ardhur akoma të bëjnë vlerësimet e dëmeve”, tha një tjetër banor.
