Ditën e enjte, qytetarët i janë përgjigjur pozitivisht thirrjes së opozitës, për të bllokuar kaset kryesore kombëtare, në një protestë që për 60 minuta paralizoi vendin.
Protesta u zhvillua njëkohësisht në të paktën 5 rrugë kryesore, ndërsa në Tiranë, qytetarët bllokuan sheshin “Shqiponja”.
Këtu u regjistrua edhe incidenti i parë, ku një drejtues mjeti tentoi të kalonte mes përmes protestuesve. Ishte ndërhyrja e kreut republikan, Fatmir Mediu, që shmangu një konfrontim fizik mes protestuesve të irrituar dhe drejtuesit të mjetit.
Por cili ishte drejtuesi që provokoi protestuesit dhe shkaktoi incidentin?
Ish-kryeministri Sali Berisha ka publikuar sot denoncimin qytetar me shënimin: “Identifikohet narkosi që provokoi të enjten, protesuesit tek sheshi “Shqiponja”! Ai është trafikanti Agim Xheli, i burgosur në Greqi për grabitje banke dhe me parcela hashashi në Katundisht, mik për kokë i Saimir Trafikut. Lexoni mesazhin dhe shikoni foton e qytetarit dixhital.
Përshëndetje Doktor.
Personi që drejtoi makinën drejt protestuesve paqësorë është mik i Sajmir Tahirit. Ka pasur parcela hashashi në Katundisht, Këlcyrë, ka bërë burg në Greqi për grabitje bankash dhe një vëlla sot e ka në burg për drogë dhe grabitje. Quhet Agim Xheli.
Këta në ‘97 kanë qënë eksponentë të shtabeve kriminele grabitës , si ka mundësi që s’e përcjellin në media, PD o Doktor?! Me respekt.
