Nisma Thurje ka ironizuar kryeministrin Edi Rama, i cili prej disa javësh ka nisur ture takimesh në bashki të ndryshme, në kuadër të asaj që e quan “Bashkia që duam”.
Rama kryesisht fjalimet e tij me njerëzit e zgjedhur me kujdes në takimet që zhvillon, i ka të përqëndruara në akuzat ndaj opozitës, batuta ndaj saj, apo duke rrëfyer si barsaleta takimin dhe bisedat me kreun demokrat, në takimin e 17 majit, që çoi në marrëveshjen, e cila përfshiu opozitën në zgjedhjet e 25 qershorit 2017.
“Ai që flet në mes të sheshit, është një njeri që ka 6 vjet në pushtet, por asnjë ditë nuk u bë dot Kryeministër.
Nuk foli asnjëherë për të gjithë shqiptarët, taksat e të cilëve i administron prej 6 vjetësh. Që kur mori pushtetin deri sot, vazhdon t’i ndajë shqiptarët në “ne” dhe “ata”.
Me stilin e një komediani që nuk u bë dot Kryeministër”, thuhet në postimin e Nisma Thurje, e cila i referohet një komenti të gazetarit, Enton Abilekaj.
