Kryeministri Edi Rama ishte sot në Shkodër, ndërsa ka preferuar që të merret me batuta në drejtim të opozitës.
Gjithsesi Rama në një moment ka folur me nostalgji për Jozefina Topallin, ish-deputeten e PD-së në qarkun e Shkodrës.
Duke bërë një krahasim mes Topallit dhe ish-deputetit Flamur Noka, që sot ishte në Shkodër bashkë me qytetarë që prisnin kryeministrin me protesta, Rama u shpreh “kur ke përpara Jozefina Topallin ke një kundërshtar, kurse kur ke para Flamur Nokën ke përpara një hu që asnjë nuk merr për gardhin e ti. Si vjen puna deri në atë pikë kur Flamur Noka të marrë Shkodrën dhe të djegë goma, ku ka arritur pas 27 vite demokraci Noka djeg goma në mes të rrugës… A mund të ketë dinjet familja demokrate e Shkodrës kur një deputet lufton duke hedh kapsolla. Jozefinën me kapsolla nuk e imagjinoj dot”.
Nuk dihet se çfarë ta ketë bërë kryeministrin të ketë ndryshuar mendim, kur i njëjti akuzonte Topallin si turiste.
“Turist kemi pasur kryetaren e Kuvendit, e cila në 8 vite i ka kushtuar taksapaguesve 185 mijë euro e 560 dollarë për të njëjtat shpenzime. Pra një kosto e madhe. Ka qenë një turist dhe me kosto brenda vendit. U ka kushtuar shqiptarëve 160 mijë dollarë brenda vendit dhe vetëm makinat e saj kanë konsumuar 124 mijë litra karburant”, akuzonte Rama, Topallin kur ishin në të njëjtën sallë Parlamenti, njëri si kryeministër dhe tjetra si deputete.
