Ish-ministri i drejtësisë, Ylli Manjani, Me anë të një postimi në rrjetet sociale është shprehur se në vendin tonë nuk ka demokraci.
Sipas Manjanit gjysma e popullit është sot jashtë sistemit demokratik.
Ish-ministri duke iu referuar situatës politike në vend është shprehur se ka ardhur dita që presidenti të veprojë dhe jot ë fshihet.
Postim i plotë
I lexuar më thjeshtë, neni 86.1 i Kushtetutës do të thotë se:
1. Shoqëria (populli) paguan keyetarin e shtetit të saj për të garantuar unitetin e saj.
2. Uniteti i shoqërisë më së pari ruhet dhe garantohet për çështje themelore, si demokracia, liritë dhe të drejtat themelore, tërësia territoriale, historia gjuha e kultura e popullit dhe funksionimi i shtetit në tërësi.
Po për ç’demokraci, shtet e shoqëri unike flasim kur të paktën gjysma e popullit është sot jashtë sistemit demokratik?!
Kjo është dita që Presidenti të veprojë dhe jo të fshihet! Le të bëjë, të paktën aq sa bëri Presidenti Moisiu në vitin 2007, kur Edi Rama nuk u rregjistrua për zgjedhjet lokale të atij viti…
Presidentit nuk po i kërkohet të ndajë fituesin e zgjedhjeve, por të garantojë pjesmarrjen e popullit, pa dallim politik, në to!!
