Në dukje si një robot i telekomanduar me ligjërata të dëgjuara më parë nga kryeministri Edi Rama, kryetari i bashkisë së Tiranës Erion Veliaj, sulmoi verbalisht dekanët këtë të premte.
Kryebashkiaku Veliaj foli për kartën e studentit në një takim me studentë në sallën ku zhvillohen mbledhjet e Këshillit Bashkiak të Tiranës. Gjatë takimit u vu re se studentët ishin të përzgjedhur për nga tematika e pyetjeve që i drejtonin Veliajt dhe mënyra se si “Lali Eri” e kishte gati përgjigjen edhe atëherë kur dikush i bëri një pyetje teknologjike. “Lali”, me një lëvizje të beftë të duarve, nxori celularin dhe tregoi aplikacionin në fjalë.
Megjithatë kthehemi te sulmet ndaj dekanëve.
Mes të tjerash, Veliaj tha se ata kërkojnë të kenë të mira materiale njësoj si kryeministri dhe kryetarët e bashkive. Dëshirë të cilën e dënoi.
“Dikush ka një garë me makinën si ajo e kryeministrit… Dikush ka një garë me zyrën e kryetarit të bashkisë…”, tha Veliaj.
Pra, sipas kësaj logjike, Veliaj ka të drejtë të ketë një zyrë luksoze, sepse ai është kryebashkiaku i Tiranës, kurse dekanët jo.
Mos vallë qytetarëve që u shemben banesat për të ndërtuar një copë rruge me çmim 40 milionë euro duhet të heshtin, sepse e thotë Veliaj?! Në fund të fundit, tani ai është kryetari, që ka më shumë privilegje se qytetarët, në sajë të votave të të cilëve i ka hypur karriges së të parit të Bashkisë.
/Boldnews.al/
