Qytetarë të shumtë janë vendosur në rreth-rrotullimin e Plepave në Durrës, duke bllokuar qarkullimin aty. Sekretari i Përgjithshëm i Partisë Demokratike Gazmend Bardhi dhe ish-deputeti Oerd Bylykbashi, janë mes protestuesve.
Bardhi, i pyetur nga gazetarët se sa do të zgjasë kjo formë proteste, nuk dha një afat. “E vendosin qytetarët”, deklaroi ai.
I pyetur nëse do ketë tolerime në kalimin e mjeteve të urgjencës, Bardhi u shpreh: Sigurisht që po. Protesta me bllokime aksesh po zhvillohen edhe në Tiranë, Fier, Milot, Elbasan.
“Ky është vetëm hapi i parë i përshkallëzimit të aksionit opozitar. Shqiptarët nuk kanë për të lejuar krim elektoral në 2019, nuk kanë për të lejuar kthim të Shqipërisë në periudhën komuniste ku diktatura zjhvillonte votime por jo zgjedhje. Sot mesazhi i shqiptarëve të bashkuar është: Shqiptarët në këmbë në mbrojtje të demokracisë për ti dhënë rrugë zhvillimit dhe mirëqënies së tyre”, tha Bardhi.
Opozita kërkon larimin e kryeministrit Edi Rama, si kusht i panegociueshëm për përgatitjen e zgjedhjeve të lira e të ndershme.
/BN/
