Një ngjarje e rëndë është regjistruar ditën e sotme në qytetin e Pogradecit.
Një 43 vjeçar është goditur me sende të forta nga dy persona të tjerë.
Policia e Pogradecit ka bërë me dije se ka vënë në pranga y të rinjtë me inicialet J.Sh, 35 vjeç dhe V.Sh, 28 vjeç, banues në Lin.
“Arrestimi i tyre u bë pasi, dyshohet se gjatë një konflikti për motive të dobëta, këta shtetas kanë goditur me sende të forta në kokë shtetasin E.B, 43 vjeç, i cili aktualisht ndodhet në Spitalin e Pogradecit nën kujdesin intensiv të mjekëve”, sqaron policia.
Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.
