Kur përmendet “Sanremo” emri i parë që të vjen ndër mend është kantautori shqiptar Ermal Meta. Djaloshi mahniti italinë me zërin e tij por ka marrë vendimin që të shkëputet nga muzika dhe do t’i japë vetes një pushim të gjatë 2-vjeçar.
Në ditën e ditëlindjes së tij, Ermali vendosi të thotë “lamtumirë” me koncertin përmbyllës të turit të tij prej tre vitesh, të mbajtur më datë 20 prill në Milano.
Kujtojmë se Ermal Meta u ngjit tre vite më parë në skenën e Sanremos me këngën “Odio le favole”, më pas me “Vietato Morire”, kënga e cila e bëri të famshëm edhe në Shqipëri. Vetëm një vit më vonë, ai do të rrëmbente vendin e parë të këtij festivali prestigjioz, me këngën “Non mi avette fatto niente”, në bashkëpunim me këngëtarin italian Fabrizio Moro.
