Kryetari i Partisë demokratikë Lulzim Basha, tha pas marrëveshjes me aleatet të nënshkruar këtë të martë se, largimi i kryeministrit Edi Rama mbetet kusht i panegociueshëm për hyrjen në zgjedhje.
“Hapi i parë i këtij koalicioni është formësimi me të gjithë faktorët shoqërorë për zgjedhje të lira e të ndershme, reformim të thellë të sistemit politik dhe rimëkëmbjen e ekonomisë për të sjellë punësimin e shqiptarëve. Hap i panegociueshëm mbetet zgjidhja politika, largimi i shkaktarit të kësaj zgjedhje i autorit të krimit elektoral që solli shkatërrimin e parlamentit, drejtësisë, policisë, shëndetësisë, arsimit, që po shkatërron shpresën e shqiptarëve, largimi i Ramës dhe krijimi i qeverisë tranzitore që do mundësojë përmes masave zgjedhje të lira e të ndershme ku do diktojë sovrani”, u shpreh Basha.
Marrëveshje e PD-së “për ti dhënë fund krimit elektoral dhe zgjedhjeve false”, do të shtohet me të tjerë aleatë ditët në vijim, deklaroi Basha.
Kryeopozitari komentoi edhe partinë e re Bindja Demokratike, me kryetar Astrit Patozin. /Boldnews.al/
