Moderatorja e njohur Aida Shtino u zhduk nga ekrani i televizionit që pas emisionit të saj “Njerëz të humbur”, dhe që prej asaj kohe për herë të parë në ekran është shfaqur ditën e sotme përkrah politikanëve të opozitës.
Aida Shtino është pjesë e Partisë Republikane të Fatmir Mediut, ndërsa sot ka qenë e pranishme në momentin kur aleatët e Lulzim Bashës firmosën për koalicionin opozitar.
Shtino ndodhej në krah të Mediut, ku pasi firmosën marrëveshjen me 10 pika, shtrëngoi duart me kreun e demokratëve, Lulzim Basha.
Në fjalën e tij pas nënshkrimit të koalicionit, Mediu ka deklaruar se kjo marrëveshje ka për qëllim të krijojë zgjedhje të lira dhe të ndershme për shqiptarët.
